بعد ما يوصلك ايميل التوقيع
ملاحظة مهمة في البداية :
بعض الشركات بتطلب حصرا موافقة الجوب سنتر النسخة الاصلية (عند توقيع العقد ) ,
لذلك اعمل نسخة عنها لانو ممكن الجوب سنتر الجديد يطلب نسخة من الموافقة وبجوز ما يطلب لكن ع كل الاحوال احتفظ بنسخة .
-------------------------------------
غالبا ولو لغتك ضعيفة ما بدققو وقت التوقيع
يعني حتى لو ما راح معك مترجم ... الموضوع بسيط ومافي مشكلة.
-----------------------------------
بعد التوقيع بتعمل نسخة للعقد كامل بكل صفحاتو و نسخة للبروتوكول
( البروتوكول هوي مجموعة اوراق بتاخذها غالبا بنفس يوم تسليم المفتاح و بكون فيها شرح لكلشي من اغراض البيت ... مثلا اذا البيت في غاز او مجلى رح يكون مذكور هاد الشي ب البروتوكول و بكون مذكور في تفاصيل ثانية كثير ) .
بتعطيهم للجوب سنتر القديم و هوي بيعطيك ورقة الفصل ... و ورقة الفصل ضرورية لحتى تقدر تسجل بالجوب سنتر الجديد .
بعد ما توصلك ورقة الفصل بتروح عالجوب سنتر الجديد وبتقدم طلب كأنك اول مرة بتسجل بالجوب سنتر.
-----------------------------------
طلب العفش و ال Kaution بتقدمهو بالجوب سنتر الجديد او القديم ... جرب بالبداية تقدم بالجوب سنتر القديم .
-----------------------------------
مافيك تعمل anmeldung لحتى يجي اول يوم بالعقد
مثلا انت وقعت ب تاريخ 20.04.2024
و بداية العقد ب تاريخ 01.05.2024
انت مافيك تعمل anmeldung بالبلدية ل تاريخ 01.05.2024
-----------------------------------
غالبا غالبا رح يتأخر تسجيلك بالجوب سنتر الجديد ... بتعرفو الجوب سنترات ببرلين شو بطيئين
لذلك ابعث ايميل للشركة انو بجوز ثاني اجار يتأخر شوي وكمان الkaution رح يتأخر دفعو شوي
وهاد الشي عادي والشركات بتعرف هالشي ... بس حلو تخبرهم بكل التفاصيل.
ال kaution رح يدفعو الجوب سنتر الجديد كامل للشركة وانت رح ترجعو تقسيط للجوب سنتر.