مرحلة ما قبل الموعد :
ب شركة stadtundland
بعد ما تسجل ب عرض البيت بهي الشركة رح يبعتلوك بعد بفترة مثل هي الصورتين ولازم ادخل معلوماتك :
اول شي اضغط على formuler ausfüllen
بعدين دخل كل عدد الافراد بالبيت
والخيار يلي بعدو عدد الاطفال بالبيت
وحط صح تحت واضغط على ارسال
في حال البيت بدو wbs رح تلاقي خيارات اضافية مثل هي الصورة :
بعد ما تقدم هي المعلومات رح يجيك ايميل تاكيد انو تم التسجيل .
وبعدها رح تنتظر يا بجيك ايميل في حجز موعد او بجيك للاسف ما رح نرسلك موعد وكمل بحث .
مرحلة الموعد :
بهي المرحلة فقط روح على الموعد و خود هويتك معك وفي حال ما فيك تروح فيك تبعث شخص مكانك بس اعمل وكالة و عطي صورة عن الهوية
مرحلة ما بعد الموعد :
ممكن بعد الموعد يطلبو هي المعلومات منك .
وفي بعض البيوت هي المعلومات بيطلبوها قبل ما تروح على الموعد ..... يعني غالبا هي المعلومات رح تنطلب منك يا قبل الموعد يا بعدو.
عبيهم مثل مو شاحين بالصور :
بنفس الايميل من تحت رح تلاقي هي الطلبات ....
هون لازم ترفع اوراقك و اوراق زوجتك و حصرا ك ملفات pdf
في حالة كنت جوب سنتر :
بعد ما ترسل الاوراق ممكن بعد بكم يوم يوصلك ايميل جديد و يطلبو منك تجيب موافقة الجوب سنتر ..... بكون مع الايميل ملف ..... هاد الملف طبعو وخدو للجوب سنتر وجيب الموافقة .
ملاحظة :
هي الشركة فيها مشكلة :
بعد ما تبعث ملفاتك ممكن يبعتولك بعد فترة انو مبروك صار البيت ئلك .
لكن في حال اختارو غيرك ما رح يخبروك ابدا وانت هيك بتكون عم تستنى على الفاضي .
لذلك بس بعثت الاوراق انسى الموضوع حتى هنن يدقو عليك.
وكمل تقديم بشكل عادي.
في حال كان عندك اي مشكلة او اي استفسار فيك تتواصل معنا على صفحتنا على الانستغرام ونحنا رح نشرحلك كل الخطوات بشكل بسيط و نساعدك .
بتوفيق
عونك في برلين