مشروع رقم واحد :
133 شقة
التسليم الشهر الجاي
في شقق من غرفة ل 5 غرف عالجوب سنتر او عقد عمل
فيك تقدم على اكثر من بيت بنفس الوقت
Howoge
بالبداية وقبل ما نشرح عن المشاريع ..... نصيحة :
اضمن لكروبنا على التلغرام .... اكبر كروب ببرلين لمساعدة الناس تلاقي بيوت وبدون سمسرة .
بننشر كل يوم 100 عرض من غرفة ل خمس غرف
و الشقق مناسبة للجميع سواء كنت بتشتغل او على جوب سنتر او سوسيال او عندك شغلك الخاص .
وفي شروحات و مقاطع فيديو متنوعة لتبسيط عملية التقديم .
رابط الكروب :
--------------------------------
-------------------------------
هلا ب نبدأ بالمشاريع :
HOWOGE
من أهمّ الشركات السكنية في برلين 🏙️، والتي تملك العديد من المشاريع السكنية المتنوعة 🏘️…
الصور في الأسفل 📸 توضح لكم خطوة بخطوة طريقة التقديم على هذه المشاريع ✍️
الشركة هي عندها كثير مشاريع ,
رح نشرحلكم هلا كيف تلاقو مشريعها وكيف تقدمو عليهم .
اول شي افتحو رابط الشركة من هون وامشو حسب ترتيب الصور
هلا بعد ما تضغط على اي غرض مناسب ئلك رح تطلعلك صفحة التقديم .
ب الرابط ب الاسفل في شرح كامل كيف تقدم بطريقة صح وكيف تنزل التطبيق تبع الشركة وتابع كل مراحل التقديم و الموعد وارسال الاوراق بعد الموعد بطريقة صح .
شرح التطبيق الخاص بالشركة و ضروري تحملو عندك :
⚠️ انتبهوا لهالنقطة لأنها جدًا مهمة بخصوص شركة HOWOGE
شركة HOWOGE عندها نوعين من عروض السكن:
1️⃣ البيوت العادية:
وهي البيوت اللي بتقدموا عليها بشكل عادي من خلال الروابط الموجودة بالجروب.
2️⃣ بيوت المشاريع:
وهي مختلفة وأهم بكثير، وكنا شارحين فوق طريقة التعامل معها.
طيب، كيف بتعرف إن العرض اللي وصلك هو مشروع مو بيت عادي؟
بعد ما تقدم على البيت وتأكد الإيميل، ممكن توصلك دعوة من HOWOGE.
📌 أول علامة واضحة جدًا:
موعد المشروع بيجي معه ملفين PDF مرفقين بالإيميل.
أما الموعد العادي، ما بيجي معه هالملفين.
يعني من أول ما تفتح الإيميل وتشوف وجود ملفين PDF،
فيك تعرف مباشرة إن الموعد اللي وصلك هو موعد مشروع وليس موعد شقة عادية.
وكمان شوفوا الصورة الموجودة تحت 👇 لأنها بتوضح لكم كيف تميزوا دعوة المشروع.
⭐ ليش مشاريع HOWOGE مهمة؟
لأن بالبيت العادي بتقدم على شقة واحدة فقط، أما إذا كانت الدعوة لمشروع، فبيكون مسموح إلك تقدم على حتى 6 شقق مختلفة داخل نفس المشروع بالطريقة الرسمية.
يعني ممكن بالدعوة أو بالموعد يفرجوك شقة واحدة، لكن بعد الموعد بيكون عندك إمكانية تختار وتقدم على لحد 6 شقق من نفس المشروع.
لهيك انتبهوا منيح لأي دعوة مشروع توصلكم من HOWOGE، وما تتعاملوا معها كأنها موعد عادي.
✅ ولهذا السبب نحنا دائمًا بننصح بالاهتمام جدًا بمشاريع HOWOGE لأنها بتعطيكم فرصة أكبر بكثير للحصول على شقة.
📌 معلومة إضافية مهمة بعد موعد مشروع HOWOGE
بعد ما تروح على موعد المشروع، رح تبعتلك الشركة رابط حتى تكمل وتعبي معلوماتك.
أول خطوة بتعبي معلوماتك تمامًا مثل ما نحنا شارحين على موقعنا.
🔎 فوتوا على Google واكتبوا: عونك في برلين
وبعدين ادخلوا على :
قسم المنازل → استكمال الطلب → شركة HOWOGE
هناك رح تلاقوا شرح كامل خطوة بخطوة شو لازم تعبو وكيف تكملوا الطلب.
⚠️ الفرق المهم بالمشروع بيجي بعد ما تخلص تعبئة المعلومات:
بعد ما تخلص، ارجع مرة ثانية على صفحة البحث، واكتب عنوان المشروع من البداية وابحث عنه من جديد .
رح يطلعلك تحت ضمن النتائج اسم المشروع، وفوقه خانة باللون البرتقالي 🟠.
اكبس على الخانة البرتقالية وادخل عليها، ومن جواتها رح تقدر تختار 5 شقق إضافية من نفس المشروع.
يعني بالمختصر 👇
✅ أول شقة بتكمل معلوماتها بشكل عادي.
✅ وبعدها بترجع على المشروع وبتختار 5 شقق إضافية.
وبهيك بيكون صار عندك إمكانية التقديم على 6 شقق بالمجموع داخل نفس المشروع.
⭐ نصيحة مهمة: لا تكتفي بتعبئة معلومات الشقة الأولى وتطلع.
بعد مشاريع HOWOGE ارجع دائمًا وابحث عن عنوان المشروع مرة ثانية، وتأكد إنك دخلت على الخيار البرتقالي واخترت الشقق الخمس الإضافية، لأنه هاي من أهم ميزات مشاريع HOWOGE.
بنهاية رح يسمحولك تختار 5 شقق اضافية غير الشقة يلي شفتها بالموعد .
نصيحة لا تختار عدد غرف اكثر من عدد الغرف يلي موجود ب ال wbs يلي عندك ... الشركة وقتها ما رح تعطيك البيت .
وبعد كم يوم رح يوصلك 6 استمارات لحتى تعبيها ... نصيحة عبي الجميع مو فقط وحدة ونحنا شاريحن طريقة التعبئة الصحيحة بالموقع .