مرحلة الموعد وما بعد الموعد :
اول شي بتسجل بالعرض يلي نزل عنا بتلغرام
بعدها لازم يكون عندك تطبيق ال Howoge ضروري
لانو بدونو مافي تعبي معلوماتك وخصوصي ال wbs
بعدها في خيارين
يا ببعتولك موعد عن طريق الايميل ... وطبعا لازم تكون سريع بحجز الموعد لانو ممكن تفتح الايميل تلاقي كل الموعيد راحت
يا اما ببعثولك للاسف في ضغط وما رح نعطيك موعد
ايميل الرفض
ايميل الموعد
لازم تروح انت حصرا ومعك الهوية
وبعد الموعد رح يسجلو اسمك انك جيت
: شرح طريقة حجز الموعد
بتروح على تطبيق ال Howoge و بتفتحتو وبتعمل مثل الصور تحت
بعد ما تحجز الموعد رح يوصلك ايميل تأكيد
ممكن هي الايميل يوصل بعد عشر دقات لذلك لا تاكل هم .
بعد الموعد مباشرتا او بعد يوم او تنين من الموعد رح يطلبو تعبي معلومات اضافية عنك و عن شريكك بالبيت اذا كنتو عائلة.
في حال ما وصلك هاد الايميل بكون للاسف ما اختاروك للمرحلة التالية .
بس غالبا هاد الايميل بيوصل لكلشي كان بالموعد .
طبعا معك 24 ساعة فقط لتعبي المعلومات .
صورة الايميل يلي رح يوصلك حتى تعبي في المعلومات مع الشرح :
شرح المعلومات وكيف لازم تعبيها بشكل الصحيح
ملاحظة جدا جدا مهمة :
خيار ال monat . netto-haus :
اذا شخص واحدوعالجوب سنتر حط 1600 او 1800.
اذا عائلة ضيف لكل شخص 500 يورو.
مثلا اب و ام وطفل :
1600 + 500 + 500 = 2600 يورو
الجوب سنتر بيدفع اجار الهايم وتامين صحي و تامين تقاعدي وكثير قصص وكل هي محسوبة من دخل الاسرة.
------------------------------------------------------
مرحلة الاوراق :
بعد يومين او تلاتة رح يوصلك ايميل يطلبو في الاوراق .
رجاءا انتبه .... في حال كنت جوب سنتر صور كل صفحات بيشايد الجوب سنتر .
و براءة الذمة ما يكون صرلها اكثر من 3 شهور عندك .
و اذا البيت محتاج wbs لازم تصور كل صفحات ال wbs بشكل واضح .
------------------------------------------------------
اخر مرحلة :
في حال اختاروكم حتى تاخدو البيت رح يوصلكم ايميل جديد :
هاد الايميل يا بكون بسيط و بخبروكم في انو مبروك صار البيت ئلك مع موعد لتوقيع العقد .... واذا كنت جوب سنتر ببعتولك طلب لتاخذو للجوب سنتر لتجيب الموافقة ب فترة محددة و ترجع ترسلو للشركة .
او بجيك متل الايميل يلي صور تحت و هاد
شرح الايميل :
عم يخبروك اذا لسا مهتم بالبيت لازم ترد علينا خلال مدة معينة هنن بكونو محددين ل ايمت وغالبا بتكون مدة قصيرة مثلا يوم واحد.
وبكون في 3 اسئلة لازم تجاوب عليه.
وبطلبو منك تجيب موافقة الجوب سنتر وترسلها ئلهم ب اسرع وقت ممكن.
ولازم ترسل ال wbs الاصلية المكونة من 11 صفحة على عنوان هنن كاتبينو بالايميل.
انت يلي عليك تعملو هلا :
1 - بترد على الايميل انو انت لسا عند اهتمام بالبيت وبتجاوب على الاسئلة الثلاثة يلي بالايميل
- هل عندك حيوان اليف ؟
-ايمت حابب يبدأ عقد الاجار ؟ هنن ذاكرين تاريخ ... انت وافق على اقتراهم افضل.
- عندك سؤال او توضيح عن حالة الشقة او شفت كل الغرف ؟ هون جاوب نعم
2 - بكون مع الايميل ملف pdf لازم تطبعو وتاخدو للجوب سنتر .
موظف الجوب سنتر رح يوافق على العرض ويختم عليه.
بس صار معك بتبعث ايميل للشركة مع نسخة من موافقة الجوب سنتر وبتخلي معك النسخة الاصلية لانو حصرا شركة ال howoge بدا النسخة الاصلية منك بعدين.
بتروح تسلم ال wbs للشركة وهنن بكونو كاتبين عنوان بالايميل يلي بعتو ولازم حصرا تسلم النسخة الاصلية ونصيحة مني .... فوت على المركز وسلمها للموظف ب ايدك وخلي يختم على الظرف وانت صور صورة الختم.
وطبعا في رقم هنن باعتينو بالايميل لازم تكتبو على الظرف حتى يعرفو لمين هي ال wbs.
بعد ما تخلص هي الامور ابعت ايميل بسيط للشركة وخبرهم انا عملت كلشي.
وهنن هون رح يردو عليك بنفس الايميل يلي صورتو تحت.
بتوفيق
بس خلصت كلشي وبعتت ايميل انو انت قدمت كل الاوراق رح يبعتولك هي الايميل
هيك بكون انتهى كل الشرح يلي بخص شركة Howoge